Көрүш

Караңгыдан ооргамдыва үзе кайгаан
Карактар-ла адырылбас болу берди.
Ээн черден (сырын эвес билип тур мен)
Эът-кежим соолаңнаткан тыныш-даа кээр.

Чогум кым сен – Бурганым бе, четкерим бе?
Чалаттырбайн меңээ келген ужуруң чүл?
Човулаңым, чолум кежии, чок-ла болза
Сагыш аарыы – дүлгээзинниг дембээрел бе?

Сыгыр даңда сезиглелим оожургадып,
Чырык даңның херелдери шонуп кээрге,
- Сылдыс караа чедишкиже байырлыг-дээш,
Сымырангаш, хая көрнүп, эсти бээр сен.

                                       өске шүлүктерже>>>