Н.К. Рерих. Гуру-Гури-Дхар. Путь Учителя Учителей, 1931

*   *   *

Ыржым-биле
Ыыт чокка мендилештим.
Дүмбей шыпкан
Дүннү өттүр сарынналдым.
Чааскаанзыраан
Сагыш чүрээм кээргээн дег,
Айның чырыы
Арным сыйбап часкара дыр.
Чалыы үем
Саяк аъды маңгыр-ла дыр,
Экер эрес
Ээзин каггаш, арлып бар чор.
Опан-чипен
Оолак шаамче холум чайдым,
Олче катап
Оруум мени чедирбес ийин.
Бууккан чүрээм
Муңгаралын чазыктырып,
Сактыышкыннар
Сарынналын дизип алгаш,
Ындынналган
Ырлыг шүлүүм белек кылдыр
Ыржым дүнге
Ыыт чокка ырлап бердим.

                                 өске шүлүктерже>>>