Эдуард Баирович Мижит

         1961 чылдың апрель 22-де Улуг-Хемниң Торгалыг суурга төрүттүнген. Чогаал ажылын 1980 чылда эгелээн. Шүлүкчү, драматург, прозачы, очулдурукчу. Россияның Чогаалчылар болгаш Театр ажылдакчыларының эвилелдериниң кежигүнү. Тыва Республиканың Культура, кино яамызының чогаал шаңналының лауреады. А. М. Горький аттыг литература институдун дооскан. Тыва, орус дылдарда бижип чоруур. Ооң шүлүктери төп российжи солун-сеткүүлдерге, чыындыларга хөйү-биле парлаттынган. Чогаалдары орус, англи, француз дылдарже очулдуртунган. Тыва дылче А. Пушкинниң, А. Чеховтуң, А. Островскийниң, В. Шекспирниң, М. Тикамацунуң, Р. Томаның, Л. Бернстайнның, Э. Понуң болгаш өскелерниң-даа чогаалдарын очулдурган. «Чиргилчиннер», «Кым сен, Субедей-Маадыр?», «Өргүл», «Кара-Дагның казыргызы» деп шиилерин Тываның В. Ш. Көк-оол аттыг хөгжүм-шии театрының сценазынга тургускан.

         Номнары: «Кезерниң балдызы» (Дөрт авторнуң «Өзүмнер» деп чыындызында, Кызыл, 1990), «Бузундулар» (Кызыл, 1992), «Бөдүүн одуруглар» (Красноярск, «Офсет», 2006); «Казыргылыг кудуктуң кыйгызы» (Кызыл, 2002??); «Кара-Дагның казыргызы» (Кызыл, 2004, В. Көк-оолдуң «Хайыраан бот» деп шиизи-биле кады). "Туман өттүр отчугаштар" (Кызыл, 2010), "Расколотый миг" (Кызыл, 2011)

 <<<мурнунда арынче

 чогаалчының дугайында немелде медээлер>>>

Яндекс.Метрика

 

Бесплатный конструктор сайтов - uCoz